Tlapoualistli
Totekij ni amo yankuik, ni se tlasentili tekitl tlen tonemilis uan ni itekij touajkauaj tlen techkauiltejtokej. Altepetl Makuilojtli ejki pan itemachilis kimokuitlauis ne kanajya tlen tlauel maluili tlen tochinantsij. Kemaj tikitakej tlen totetsakual maluili (kanajya kampa kichiuaj kampeka uan kampa motlalpachoaj) kiijtlakajtoyaj ika se tepostlaxaualistli san pampa inijuantij ijkinoj kinejkej, ojtli tlen touajkapauaj kitlaltejkej toixpaj uan ne nelkuali moita o nesi.
Ipan sanilistli ika tlayekananij tlen chinankojtsitsij para tijketsasej tlen moijtlakojtok uan ma timopanoltikaj ipatij tlen ne kanajya para tomaseualuaj, techtlajtlanilijkej tlen uelis mochiua uan mosenkuilia. Pan ne tlatoktsij tlen timopanoltilijkej tlen kenijki uelis moajsis uan mokuajtlalis nochi Toaltepej maluili para ma ueli mokuapa sampa kense totlatlajkopaj tlen kampa mochiuaya kampeka.
Pan ni tlatoktsij touajkapauaj sanilojkej xitlauak uan kimanextijkej toojui ma mosenkuili. Altepetl Makuilojtli ni amo se “nechikoli” so se “nechikoli tlen amo kipiya tomij”, Altepetl Makuilojtli ni se yankuilistli tlen toixkauitl, sentilistli uan tlamatilistli uajkapayotl tlen tijpiyaj topaj uan tlen pan totlalui.
Ken tiajsij pan chinankotsij Nauatl, tiitstokej pan tlali, tojuantij tijpiyaj ixkauilistli maluili uan ne toojui. Tisenkuilisej toojui tlen tojuajkapauaj uan tijualikasej sejkaualistli pan tochinanko.