TONECHIKOL
Ofelia Cruz Morales
TLAYEKANKETL
Ofelia Cruz Morales ya se nauatlajtojketl uan tlauel kiyolpaktia, nojkiya tlamachtijketl uan tlatejtemojketl tlen Nauatl-Kaxtilantlajtoli.Pan ichantsij nojka moita maseualtlajlamijkayotl uan nochi tlen temaktiltejtokej tlen maseualtlajlamijkayotl, nojkiya iuanya kalaktok tlapoualistli uajkapayotl ika itsonyo tlen uajkapatl. Cruz, nauatlamachtijketl tlen nochi kense, tlen namaj uan nojkiya tlen uajkapayotl. No kichiua tlajtolkuapilistli, amochchiua uan kinpaleuia ika kampekajtsitsij tlen sekij chantsitsij.
Ya momachtijki pan idoctorado tlen Estudios Novohispanos pan Kaltlamachtiloyaj Autónoma Zacatecas (UAZ) tlen Zacatecas, Mexico. Cruz, kitlamiltijki itlamachtilis tlen ilicenciatura uan imaestria pan UAZ. Nojkiya, Cruz Morales ya tekitik pan Instituto tlen Docencia e Investigaciones Etnológicas tlen Zacatecas, (IDIEZ) kampa ya kichiuayaya nauaamochtli uan nauatlamachtili tlen nechkatsij uan tlen uajka tlali, pan miak xiuitl. Pan 2016 kichamanaljtijki KANA, se Instituto tlen Revitalización tlen Nauatlajtoli.
briceyda Rodriguez Bautista
Tlamachtijketl
Briceyda Rodríguez Bautista ya iixkauitl tepanoltilis tlamatilistli tlen xiuipajmej uan ya se siuiatl Naua tlen pan motemachijtok kikuajkuajtlalis totlamatilis uajkapayotl uan tlen uanya tlatskitok totlalui. Bris, tekiti ika tetajmej, tenamej para kimanauis tlatsaualistli uan ilojkuajtlalis ika ichkatl ken uajkapayotl mochiuayaya. Bris, temachtia uan kipaleui Totepolkatlayekananij, nojkiya tlen nochi totekij. Nojkiya kiamati tlajtsomas uan kichiuas komali.
Atl – Nickolas Esperanza
TLAYEKANKETL
Nickolas Esperanza so Atl tlen motokaxmati pan tlamatilistli tlen Nauatl, ya motekikui pan axkayotl tlen tepajtijketl, tlen kampeka mijtotijketl uan nauakamati pan ichinanko. Atl no, tlamatketl tlen tlatsaualistli tlen ichkatl, ichtli, kense tlatsajketl tlen chikiuimej tlen mochijchiua ika kuamekatl.
Atl, tekititok pan miak xiuitl kampa kitemoua kanajya para tepolkamej uan ichpokamej tlen maseualmej, tlen pan motemachia tlanenpamitl kampa kitokaj tlakualistli uan xiuipajmej tlen iijtiko chinanko tlen Huchiun, tlen ne kanajya Lisjan. Atl no, tekititok pan iijtiko nechikolmaseuali tlen nochi, para kimokuitlauis kanajya maluili, atl uan tlali.